Қазақстан Республикасы Мәдениет және ақпарат министрлігінің қолдауымен «Жастар» ғылыми-зерттеу орталығы жастардың аналитикалық және зерттеу құзыреттерін дамытуға, сондай-ақ мемлекеттік жастар саясатының өзекті мәселелері бойынша шешімдер әзірлеуге және ілгерілетуге қабілетті жас сарапшылар пулын қалыптастыруға бағытталған «Jastar Research Hub» жас сарапшылар акселераторы жобасы іске қосылды.

Жоба жастар саясаты, мемлекеттік басқару, цифрландыру, өңірлік даму және қоғамдық үдерістер салаларында зерттеу және сараптамалық қызметке қызығушылық танытатын магистратура және докторантура студенттеріне арналған.

Жоба аясында:

- қатысушыларды конкурстық іріктеу (2026 жылғы 4 мамыр – 4 маусым аралығы);

- оқыту бағдарламасын өткізу;

- аналитикалық баяндамаларды дайындау және таныстыру;

- қатысушыларды сараптамалық алаңдарға тарту және мемлекеттік органдармен өзара іс-қимылды қамтамасыз ету;

- кәсіби даму мен жұмысқа орналасуға жәрдемдесу көзделген.

Жобаға қатысу үшін үміткерлер www.eljastary.kz сайтында өтінім толтыруы қажет.

Байланыс тұлғалары:

Ақмарал Тұрғайбекқызы – «Жастар» ҒЗО директорының орынбасары,

тел.: +77014260195; Айым – «Жастар» ҒЗО сарапшысы, тел.: +7 775 734 7247

Электрондық пошта: infonic@eljastary.kz

Ғалымдарды, ЖОО мен колледждердің оқытушыларын, мектеп мұғалімдерін, докторанттарды, магистранттарды, студенттерді (ғылыми жетекшімен бірге) және ғылыми зерттеулермен айналысатындарды

«ЖАҺАНДАНУ КЕЗЕҢІНДЕГІ ТІЛ ТЕОРИЯСЫ МЕН ТАРИХЫ МӘСЕЛЕЛЕРІ ЖӘНЕ «ТОЛЫҚ АДАМ» КОНЦЕПТІСІ»

атты Халықаралық ғылыми конференциясына қатысуға шақырамыз

19 маусым 2026 жыл

Өткізу орны: «Торайғыров университеті» КеАҚ, Павлодар қ., 64 Ломов көшесі, БОҒ.

Өткізу форматы: офлайн/онлайн

Материалдарды ұсыну мерзімі: 2026 ЖЫЛДЫҢ 10 МАУСЫМЫНА ДЕЙІН ТЕК www.sci-conf.tou.edu.kz сайтында қабылданады. Көрсетілген МЕРЗІМНЕН КЕШ ЖІБЕРІЛГЕН және ЭЛЕКТРОНДЫҚ ПОШТАҒА жіберілген мақалалар ҚАБЫЛДАНБАЙДЫ!
Қосымша: Ақпараттық хат

ХАБАРЛАНДЫРУ

Құрметті бакалавриат студенттері, магистранттар және докторанттар!

Атаулы стипендия тағайындау конкурсына қатысуға өтінімдерді қабылдау туралы хабарлаймыз!

Торайғыров университетінің 2026 жылғы 30 сәуірдегі № 15-09/291 бұйрығымен бекітілген Атаулы стипендиялар туралы ереженің 3.1 тармағына сәйкес, Атаулы стипендия тағайындау конкурсына қатысуға өтінімдер 2026 жылдың 30 мамырынан бастап 2026 жылдың 15 маусымына дейін қабылданатының хабарлаймыз.

Үміткерлерден барлық растайтын құжаттарды (3.3-тармақ) электрондық нұсқада pdf форматында nmo-pgu@mail.ru электрондық поштаға «Тегі_Атаулы стипендия» белгісімен жіберуіңізді сұраймыз.

Атаулы стипендиялар туралы ереже қосымшада көрсетілген.