Факультет тарихы

1960 - жылы Павлодар Индустриалды институт кезінде жұмысшылар қатарындағы талапкерлерді жоғары оқу орнына түсуге дайындайтын дайындық курстары жүзеге асырылды. Кейінірек курстар кәсіптік бағдар жұмыстарымен айналыса бастады.

2003 - жылы дайындық курстары базалық сыныптармен қосылып жұмыс жасай бастағаннан кейін жоғары оқу орнына дейінгі білім беру және кәсіптік бағдар факультеті деп өзгертілді.

2012 - жылдың наурыз айында Болон үдерісінің негізгі басымдығын есепке алуына сәйкес уақыт талабына сай жаңа форматтағы білім беру ортасын қалыптастыруға мүмкіндік беретін «Foundation» факультеті құрылды.

2014 - жылы факультетте шетелдік қазақ диаспорасы өкілдері мен шетелдік азаматтарға арналған даярлық бөлімі ашылды (ҚР БҒМ 18.09.2014 ж. №383 бұйрығы).

Факультетті педагогика ғылымдарының кандидаты, ПМУ профессоры Ксембаева Сауле Камалиденовна басқарады.

Факультет жұмыстарының негізгі бағыттары:

1. Білім алушыларды жоғары оқу орнына түсуге тереңдетіп дайындау, оның ішінде:

- ҰБТ пәндері бойынша дайындықты ұйымдастыру (Математикалық сауаттылық, оқу сауаттылығы, Қазақстан тарихы және бейінді пәндер);

- тереңдетілген көптілді дайындық жүргізу болашақта академиялық ұтқырлыққа үлкен мүмкіндік береді.

2. Шетелдік қазақ диаспорасы өкілдері, оралмандар мен шетелдік азаматтарға арналған даярлық бөлімі.

Бұл бөлімшеде мемлекеттік тапсырыспен келген 95 тыңдаушы білім алады.

Бөлімшенің мақсаты – шетел азаматтарын Қазақстанда өмір сүруге бейімдеу, ҚР жоғары оқу орнына түсуге және қазақ тілі мен орыс тілін меңгеруде тереңдетілген дайындық жүргізу.

3. Қосымша білім беру қызметтері:

- ҰБТ-ға дайындық курстары (кешкі, қашықтық, қарқынды):

«Foundation» факультетінің дайындық курстарында курстың бағдарламасы ғана емес, сонымен қатар мектеп бағдарламасымен ағымдағы үлгерімдерін дамыту арқылы мектептегі білімдерін жетілдіру, білімдегі кемшіліктерді анықтау мен шыңдау.

ҰБТ-ға дайындық жүргізуде топтарды қалыптастыру икемді қолданылады.

- базалық сыныптарда бейіндік білім беру.

Білім алушыларды кәсіптік дайындау оқу жоспары мен жұмыс бағдарламасына сәйкес мектептен бөлінген еңбек оқыту сағаттары арқылы жүзеге асады. Білім алу кезінде 10 және 11-базалық сыныптардың оқушыларына базалық пәндерден терендетілген дайындық және жұмыс мамандықтарының біріне бейіндік дайындық жүргізу арқылы біліктілік беріледі:

- автослесарь

- инжерлік графика операторы

- сызушы

- бухгалтер-экономист

- ағылшын тілін меңгерген хатшы-референт

- азық-түлік дайындау технологы

Оқу бітіру кезіндегі біліктілік емтихандарын сәтті тапсырғаннан кейін білім алушыларға біліктілікті иелену куәлігі беріледі.