Торайғыров университетінде ЖОО-ның 65 жылдығы қарсаңында және "Таза Қазақстан" бағдарламасы аясында "Павлодар облысының экологиялық мәселелері және оларды шешу жолдары" тақырыбында дөңгелек үстел өтті.

Жаратылыстану ғылымдары факультетінің деканы, х.ғ.к., профессор Мәдениет Елубай ғылыми қоғамдастық пен қоршаған ортаны қорғау саласындағы практиктер арасындағы ашық диалогтың маңыздылығын атап өтті. Сонымен қатар, спикер мемлекеттік экологиялық инспектор Сабина Мұхаметқалым сөз сөйлеп, облыс бойынша экологиялық жағдайға егжей-тегжейлі талдау жасады. Ластаушы заттардың шығарындылары, қалдықтардың деңгейі және экологиялық тәуекелдің негізгі ошақтары бойынша деректер айтылды. Б.ғ.к., биология және экология кафедрасының қауымдастырылған профессоры Александр Убаськин Павлодар облысының биоалуантүрлілігі үшін ағымдағы экологиялық қатерлерге ғылыми талдау жасады. Іс-шараның ғылыми-практикалық бөлігін "Қоршаған ортаны қорғау және табиғи ресурстарды ұтымды пайдалану" және "Экология" бағыттарының студенттері жалғастырды. Талқылау барысында қатысушылар су пайдалану тиімділігін арттыру және су экожүйелерін қорғау бойынша басым міндеттерді белгіледі.