Торайғыров университетінде атақты қазақстандық вокалист Шахимардан Әбіловтың моноопера фильмінің премьерасы өтті. Республиканың еңбек сіңірген әртісі өзінің «музыкалық ойларын» Мұхтар Әуезовтің «Абай жолы» романына арнады.

- Бүгін біз атақты жерлесіміз Шахимардан Әбіловтың шығармашылығына тағы да құрмет көрсету үшін жиналдық. Оның қойылымы осы шығармаға және жалпы Абай Құнанбаевтың өмір жолына жаңа көзқараспен қарауға, ұлы философтың шығармашылығын қайта қарауға мүмкіндік берді. Ал бүгін Шахимардан-аға өзінің көрнекті жұмысының бейнефильмін таныстырады! Бізді, Шахимардан шығармашылығының көптен бергі  жанкүйерлері мен достары ретінде бұл тек қуантады!- деп атап өтті ЖОО ректоры Еркін Садықов.

Жақында Мемлекет Басшысы Қасым-Жомарт Тоқаев Абайдың «Толық адам»тұжырымдамасына жүгінді.  Адамның жетілген тұлғасы ақыл, жүрек және ерік жасайтындығы және мәдени даму жеке тұлғаны қалыптастыруда маңызды рөл атқаратындығы баса айтылды. Абайдың принциптері мен идеяларын еліміздің еңбек сіңірген әртісі Шахимардан Әбілов насихаттайды. Ол әрқашан жастар туралы ойлайды және оларды рухани байытуға тырысады, бұл үлкен құрметке лайық. Ақсақалдың данышпандығы оның басқа адамдармен әдемі және жарқын бөлісуге деген ұмтылысынан көрінеді.

- Бүгінде Абайды оқитындар аз, оның философиясына терең үңілмейді, дегенмен Абай - планетарлық ауқымдағы тұлға, - дейді опера әншісі. - Біз музыка мен ойлануға жиналдық. Бірақ біздің негізгі ауқымды мақсатымыз - Абайдың өзі айтқандай, жастарға білім беру, оларға көмектесу, - деп атап өтті республиканың еңбек сіңірген әртісі.

Шахимардан Әбілов өз жұмысымен тағы да мәдени даму идеяларын насихаттап, білім берудің жоғары құндылығы, өзінен жоғары рухани өсу туралы айтқан Абай тұлғасының жан-жақтылығы мен ұлылығын көрсетеді. Бұл идеялар ел басшылығы деңгейінде қолдау тапты және біз осы бағыттағы барлық бастамаларды қолдауға бар күшімізбен дайынбыз. 

Вокалист өзінің «музыкалық рефлексияларымен» фильмін бірінші кезекте туған Павлодар облысында көпшілікке ұсынды.