2026 жылғы ғылым саласындағы сыйлықақылар мен мемлекеттік ғылыми стипендиялар алуға арналған конкурс

Қазақстан Республикасы Ғылым және жоғары білім министрлігі «Ғылым және технологиялық саясат туралы» Қазақстан Республикасының Заңы 31-бабының, Қазақстан Республикасының Үкіметі 2022 жылғы 19 тамыздағы № 580 Қаулысының 15-тармақ 148) тармақшасының негізінде ғылым саласындағы сыйлықақылар, мемлекеттік ғылыми стипендиялар алуға арналған конкурс (бұдан әрі – Конкурс) жариялайды.

Ғылым саласындағы сыйлықақылар, мемлекеттік ғылыми стипендиялар Қазақстан Республикасы Ғылым және жоғары білім министрінің 2023 жылғы 4 тамыздағы № 389 бұйрығымен бекітілген (prg.kz/document/?doc_id=39878251):
– жаратылыстану ғылымдары саласындағы үздiк ғылыми зерттеуі үшiн Қ.И.Сәтбаев атындағы бір сыйлықақы;
– гуманитарлық ғылымдар саласындағы үздiк ғылыми зерттеуі үшiн Ш.Ш.Уәлиханов атындағы бір сыйлықақы;
– педагогика саласындағы үздiк ғылыми зерттеуi мен жұмысы үшiн Ы.Алтынсарин атындағы бір сыйлықақы;
– түркология саласындағы аса зор жетістіктері үшін Күлтегін атындағы бір сыйлықақы;
– жаратылыстану ғылымдары саласындағы үздiк жұмысы үшiн жас ғалымдарға арналған Д.А.Қонаев атындағы бір сыйлықақы;
– гуманитарлық ғылымдар саласындағы үздiк жұмысы үшiн жас ғалымдарға арналған М.О.Әуезов атындағы бір сыйлықақы;
– 75 мемлекеттік ғылыми стипендия, оның ішінде қырық төрт жасты қоса алғанда талантты жас ғалымдар үшін 50 мемлекеттік ғылыми стипендия.
Конкурс өткізу Қазақстан Республикасының қолданыстағы заңнамаға сәйкес жүзеге асырылады, оның ішінде:
«Ғылым саласындағы сыйлықақыларды, мемлекеттік ғылыми стипендияларды беру қағидаларын бекіту туралы» Қазақстан Республикасы Ғылым және жоғары білім министрі міндетін атқарушының 2023 жылғы 14 қыркүйектегі № 466 бұйрығы (https://prg.kz/document/?doc_id=31989920);
«Ғылым саласындағы сыйлықақыларды беру үшін жұмыстарды іріктеу өлшемшарттарын және мемлекеттік ғылыми стипендияларды тағайындауға кандидаттарды іріктеу өлшемшарттарын бекіту туралы» Қазақстан Республикасы Білім және ғылым министрінің 2021 жылғы 14 қазандағы № 517 бұйрығы (https://www.gov.kz/memleket/entities/sci/documents/details/1066760?lang=kk);
«Ғылым саласындағы сыйлықақыларды, мемлекеттік ғылыми стипендияларды алуға ұсынылған жұмыстарды қабылдау» мемлекеттік қызметін көрсету қағидаларын бекіту туралы Қазақстан Республикасы Білім және ғылым министрінің 2020 жылғы 11 маусымдағы № 242 бұйрығы (https://prg.kz/document/?doc_id=35716316).

Ғылым саласындағы сыйлықақылар, мемлекеттік ғылыми стипендиялар алуға жұмыстарды қабылдау «Ұлттық инновациялық жүйенің Бірыңғай терезесі» ақпараттық жүйесі арқылы электрондық форматта жүзеге асырылады.

Өтініш беру:
Сыйлықақылар:
https://astanahub.com/ru/l/awards 
Стипендиялар:
https://astanahub.com/ru/l/scholarships 

Қазақстан Республикасының қолданыстағы заңнамасына сәйкес ғылым саласындағы сыйлықақыларды, мемлекеттік ғылыми стипендияларды алуға ұсынылған жұмыстарды қабылдау Қазақстан Республикасы Президентінің жанындағы «Қазақстан Республикасының Ұлттық ғылым академиясы» КЕАҚ осы хабарландыру жарияланған күннен бастап күнтізбелік 30 (отыз) күн ішінде қабылдайды.

Ғылым саласындағы сыйлықақыларды алуға үміткерлер үшін құжаттар тізбесі:
1) монографиялар, монографиялардағы тараулар, мақалалар, шолулар, патенттер, авторлық куәліктер түріндегі ғылыми жұмыс (бестен аспауы тиіс);
2) жұмыстың мазмұны, зерттеулердің өзектілігі мен жаңалығы, негізгі ғылыми нәтижелері, олардың маңыздылығы мен одан әрі пайдалану мүмкіндігі баяндалатын жұмыстың сипаттамасы (жарты баспа беттен аспауы тиіс);
3) жұмысты ұсынған ұйымның консультативтік-кеңесші органы отырысының хаттамасынан үзінді;
4) сыйлықақы алуға кандидаттың негізгі жұмыс орнынан анықтама;
5) сыйлықақы алуға кандидаттың шығармашылық үлесін көрсете отырып, оның ғылыми қызметінің қысқаша сипаттамасы (ұжымдық жұмыстар үшін);
6) конкурсқа ұсынылған жұмыстың бұрын республикалық бюджет қаражатынан төленетін сыйлықақыларға ие болмағанын куәландыратын жұмысты ұсынған ұйымнан анықтама;
7) енгізу актісінің көшірмесі (бар болған жағдайда);
8) қолданыстағы жиырма таңбалы карталық шот туралы хабарлама.
Осы тармақтың 4), 5) және 6) тармақшаларында көрсетілген құжаттар сыйлықақы алуға үміткер жұмыстан босатылған жағдайда оның соңғы жұмыс орнынан ұсынылады.



Мемлекеттік ғылыми стипендияларды алуға арналған қонкурсқа қажетті құжаттар тізбесі:
1) ұйымның консультативтік-кеңесші органының дәлелді өтінішхаты (ұсынымы);
2) мемлекеттік ғылыми стипендия алуға кандидаттың негізгі жұмыс орнынан анықтама;
3) мемлекеттік ғылыми стипендия алуға кандидаттың соңғы бес жылдағы (конкурс жарияланған жылды есепке алмағанда) ғылыми жарияланымдарының тізімі, сондай-ақ олардың ең маңыздыларының (бестен аспайтын) баспа-таңбасы;
4) енгізу актісінің көшірмесі (ол болған жағдайда);
5) ғылыми жобалар мен бағдарламаларға жетекшілік еткенін растайтын құжаттар (ол болған жағдайда, талантты жас ғалымдарға мемлекеттік стипендия ізденушілер үшін талап етілмейді);
6) Қазақстан Республикасында философия докторы (PhD) немесе бейіні бойынша доктор дәрежесі берілген кадрларды даярлауды растайтын құжаттар (ол болған жағдайда, талантты жас ғалымдарға мемлекеттік ғылыми стипендия үміткерлер үшін талап етілмейді);
7) халықаралық ынтымақтастықты растайтын құжаттар (ол болған жағдайда, талантты жас ғалымдарға мемлекеттік ғылыми стипендия үміткерлер үшін ғана);
8) қолданыстағы жиырма таңбалы карталық шоты туралы хабарлама.
Отандық баспа шығарған монография бойынша баспа мәтінінің екі бетіне дейінгі көлемде аннотация, титулдық парақтың көшірмесі, шығыс деректері және кемінде екі рецензия ұсынылады. Шетелдік баспа шығарған монография бойынша баспа мәтінінің екі бетіне дейінгі көлемде аннотация, титулдық парақтың көшірмесі және шығыс деректері ұсынылады.
Монографияларда, монография бөлімдерінде, мақалалар мен шолуларда үміткерлер аффилиация ретінде Қазақстан ұйымын немесе Қазақстан Республикасын көрсетуі тиіс. Монографияның (оның ішінде бөлім жарияланған монографияның да) қысқаша сипаттамасы мен мазмұны ресми веб-сайтта орналастырылып, оны қайдан сатып алуға немесе оқуға болатыны туралы ақпарат қолжетімді болуы қажет.

Байланыс үшін:
Қазақстан Республикасы Президентінің жанындағы «Қазақстан Республикасының Ұлттық ғылым академиясы» КЕАҚ:
+7 727 3382449
+7 700 048 3736
+7 705 731 2999
+7 707 128 0034
«Astana Hub» цифрлық жүйесінің техникалық қолдауы (Ақпараттық жүйемен байланысты мәселелерге қатысты):
+7 777 522 0247
1818

Ғалымдарды, оқытушыларды, мектеп мұғалімдерін, докторанттарды, магистранттар мен студенттерді «ХVIII Торайғыров оқулары» атты Халықаралық ғылыми-тәжірибелік конференциясына қатысуға шақырамыз

23 қазан 2026 жыл

«Торайғыров оқулары» – жыл сайын өткізілетін Халықаралық ғылыми-практикалық конференция. XVIII Торайғыров оқулары Қазақстан Республикасының Президенті Қасым-Жомарт Тоқаев жариялаған 2026 жылғы Цифрландыру және жасанды интеллект жылына арналған. Конференция аясында қазіргі ғылымның әртүрлі салаларындағы өзекті мәселелер келесі бағыттар бойынша қарастырылады: жаратылыстану ғылымдары; гуманитарлық және әлеуметтік ғылымдар; экономика және құқық; инженерия; ауыл шаруашылығы ғылымдары; энергетика; физика-математикалық және компьютерлік ғылымдар.

Өткізу орны: «Торайғыров университеті» КЕАҚ, Павлодар қ., 64 Ломов көшесі, БОҒ.

Өткізу форматы: офлайн.

Конференция аясында келесі санаттар бойынша секциялық отырыстар өтеді:

-       ЖОО және колледж студенттері;

-       магистранттар.

НАЗАР АУДАРЫҢЫЗ! 1 (бір) баяндаманы жасауға 2 (екі) баяндамашынан артық емес жіберіледі. Секциялық отырысқа қатысу үшін ТІРКЕУ www.sci-conf.tou.edu.kz сайтта «Мақаланы жіберу» бетінде жүзеге асырылады.

Конференцияның қорытындысы бойынша ғылыми мақалалар жинағы шығарылады. Жинақ электрондық формат (PDF) түрінде шығарылады, конференцияның қатысушыларына электронды сертификаттар табыс етіледі.

Материалдарды ұсыну мерзімі: 2026 жылдың 16 қазанына дейін (қоса алғанда) ТЕК www.sci-conf.tou.edu.kz сайт арқылы.

Көрсетілген МЕРЗІМНЕН КЕШ ЖІБЕРІЛГЕН және ЭЛЕКТРОНДЫҚ ПОШТАҒА жіберілген мақалалар ҚАБЫЛДАНБАЙДЫ!

МАҚАЛАЛАРҒА ҚОЙЫЛАТЫН ТАЛАПТАР

1.        Конференцияның жұмыс тілдері: қазақ, орыс, ағылшын.

2.        1 (бір) мақаланы жариялау құны – 3 000 ТЕҢГЕ. Төлем мақаланы ЖАУАПТЫ ХАТШЫ ҚАБЫЛДАҒАННАН КЕЙІН ҒАНА төленеді. Егер жарияланымнан бас тартылса, қаражат ҚАЙТАРЫЛМАЙДЫ. Мақаланы жариялау құны туралы толығырақ www.sci-conf.tou.edu.kz сайтында.

3.        Мақала көлемі: Times New Roman қарпімен (12-кегль) 3-5 бет. Мақалаларды рәсімдеуге қойылатын талаптармен және Мақаланы рәсімдеу үлгісімен толығырақ www.sci-conf.tou.edu.kz сайттағы "Авторларға" бөлімінде танысуға болады.

4.        Мақаланың өзіндік ерекшелігі кемінде 60% болуы керек. Тексеруді antiplagiat.ru, exactus.ru немесе басқа тегін сервистер арқылы жүзеге асыруға болады. Плагиатқа тексеруден өту туралы анықтама JPG (скриншот) немесе PDF форматтарында қабылданады, анықтамада мақаланың/автордың атауы анық көрінуі керек. Талаптарға сай келмейтін анықтамалар қабылданбайды.

5.        Бір автордың (авторлардың) мақалалар саны шектелмейді.

6.        Бір мақалада 3 (үш) бірлескен автордан артық болмау керек.

7.        Ғылыми мақала конференция тақырыбына сәйкес болуы, түпнұсқа, өзекті болуы, ғылыми жаңалығы, болжамдардың негізділігі болуы, емле, пунктуация ережелері мен төменде көрсетілген ресімдеу талаптарына сәйкес болуы тиіс.

8.        Жауапты хатшы тіркеу ережелеріне, секция тақырыбына сәйкес келмейтін материалдарды қайтаруға немесе қабылдамауға құқылы.

БАЙЛАНЫС ДЕРЕКТЕРІ

Мекенжайы: Қазақстан Республикасы, Павлодар қ., Ломов көш., 64-үй, Торайғыров университеті

Ғылыми әлеуетті дамыту және зияткерлік меншік бөлімі (236 каб.)

Тел.: 8 (7182) 67-36-83 жұмыс күндері 9:00-18:00-ге дейін.

Вебсайт: www.sci-conf.tou.edu.kz

«ҒЫЛЫМ ҚАЙРАТКЕРІ» РЕСПУБЛИКАЛЫҚ БАЙҚАУЫ

Қазақстан Республикасы Тәуелсіздігінің 35 жылдық мерейтойына орай «Жаңа Қазақстан» республикалық инновациялық орталығының ұйымдастыруымен «ҒЫЛЫМ ҚАЙРАТКЕРІ» атты республикалық байқау өткізіледі.

Байқаудың негізгі мақсаты – отандық ғылым жетістіктерін насихаттау, ғылымның дамуына үлес қосқан ғалымдар мен мамандарды дәріптеу, ғылыми-зерттеу нәтижелерін қоғамға таныту және жастар арасында ғылым мен білімнің беделін арттыру.

Байқауға ғылыми қызметкерлер қатыса алады.

Байқау жеңімпаздары:

- «ҒЫЛЫМ ҚАЙРАТКЕРІ» төсбелгісімен;
- куәлікпен;
- «ҒЫЛЫМ ҚАЙРАТКЕРІ» статуэткасымен;
- дәрежелі дипломмен марапатталады.

Қатысу үшін қажетті құжаттар 2026 жылғы 30 қазанға дейін қабылданады.

Қосымша ақпарат:
Электрондық пошта: ruhany.jangiru.17@bk.ru
Instagram: @bilim_orkenieti_
Байланыс телефондары: +7 747 628 8054, +7 702 986 6405

Марапаттау рәсімі Астана қаласында конференция форматында өтеді.