«Ғылым және технологиялық саясат туралы» Қазақстан Республикасы Заңының 31-бабына сәйкес ғылым мен техниканы дамытуға үлес қосқан ғалымдарды, ғылыми ұйымдар мен жоғары және (немесе) жоғары оқу орнынан кейінгі білім беру ұйымдарының ғылыми қызметкерлерін көтермелеу мақсатында Қазақстан Республикасы Ғылым және жоғары білім министрлігі (Бұдан әрі – Министрлік) «Үздік ғылыми қызметкер» жыл сайынғы сыйлығын алуға конкурс жариялайды.
Конкурсқа қатысушы үшін өтінімдер Министрліктің https://scicontest2026.kz ақпараттық жүйесі арқылы электрондық форматта хабарландыру шыққан күннен бастап күнтізбелік 20 күн ішінде қабылданады.
Сыйлық беруге үміткердің ғылыми жетістіктері «Үздік ғылыми қызметкер» жыл сайынғы сыйлығын беру қағидаларына сәйкес (https://adilet.zan.kz/kaz/docs/V2400035570) келесі көрсеткіштер бойынша бағаланады:
1) Қазақстан Республикасында танылған ғылыми дәреженің болуы;
2) уәкілетті органмен берілген ғылыми атағының болуы;
3) таңдалған ғылыми бағыт бойынша ғылыми жобалар мен бағдарламаларға басшылық ету;
4) таңдалған ғылыми бағыт бойынша ғылыми нәтижелердің болуы және сапасы (мақалалар және (немесе) шолулар, отандық және шетелдік журналдарда жарияланған монографиялар, оның ішінде монографиядағы тарау, патенттер, енгізулер және т.б.);
5) таңдаулы ғылыми бағыт бойынша беделді халықаралық рецензияланатын журналдарда жетекші шетелдік ғалымдармен бірлескен авторлықпен мақалалардың болуы;
6) соңғы жылы ЖЖОКБҰ-да кемінде бір пәнді немесе бірнеше пәндерді оқыту;
7) философия докторы (PhD) немесе сала докторы ғылыми дәрежесін алған кадрларды дайындау;
8) өндіріске енгізу үшін ғылыми және ғылыми-техникалық қызметтің расталған нәтижелері;
9) ғылыми зерттеулердің сапасын, нәтижелілігін және әсерін арттыруға бағытталған қоғамдық жұмыс.

Ғылыми жетістіктерін бағалаудың сапалық және сандық көрсеткіштері

Жауапты тұлға – Рахымжанов Сырым Аманғазыұлы, Қазақстан Республикасы Ғылым және жоғары білім министрлігі Ғылым комитетінің бас сарапшысы, тел.: 8(7172) 74-23-89.

«ХИМИЯ ЖӘНЕ ХИМИЯЛЫҚ ТЕХНОЛОГИЯ: ҒЫЛЫМИ ЖЕТІСТІКТЕР МЕН ДАМУДЫҢ ЖАҢА КӨКЖИЕКТЕРІ» атты Халықаралық ғылыми-практикалық конференция
Ғалымдарды, оқытушыларды, мектеп мұғалімдерін, докторанттарды, магистранттар мен студенттерді көрнекті ғалым-химик, техника ғылымдарының докторы, профессор, Қазақ КСР Ғылым академиясының академигі, Қазақстандағы химия ғылымының негізін қалаушысы Әбікен Бектұрұлы Бектұровтың туғанына 125 жыл толуына арналған «ХИМИЯ ЖӘНЕ ХИМИЯЛЫҚ ТЕХНОЛОГИЯ: ҒЫЛЫМИ ЖЕТІСТІКТЕР МЕН ДАМУДЫҢ ЖАҢА КӨКЖИЕКТЕРІ» атты Халықаралық ғылыми-практикалық конференцияға қатысуға шақырамыз!
11 желтоқсан 2026 жыл
Конференцияның ұйымдастыру комитетінің тең төрағалары:
Алтынбек Нухұлы – химия ғылымдарының докторы, профессор, ҚР ҰҒА академигі, Әлкей Марғұлан атындағы Павлодар педагогикалық университетінің Басқарма Төрағасы – Ректоры.
Медетов Нурлан Әмірұлы – физика-математика ғылымдарының докторы, Торайғыров университетінің Басқарма Төрағасы – Ректоры.
Өтетін орны: «Торайғыров университеті» КЕАҚ, Қазақстан Республикасы, Павлодар қаласы, Ломов көшесі, 64, бас оқу ғимараты.
Өткізу форматы: офлайн және онлайн.
Конференция аясында химия саласының өзекті мәселелері төмендегі секциялар бойынша қарастырылады:
1. Академик Әбікен Бектұрұлы Бектұровтың ғылыми мұрасы және химия ғылымының қазіргі даму үрдістері.
2. Химиялық білім беру: заманауи әдістемелер, цифрлық технологиялар және ғылыми-зерттеу қызметі.
3. Химия және экологиялық қауіпсіздік: тұрақты технологиялар және ресурстарды ұтымды пайдалану.
4. Іргелі және қолданбалы химия: заманауи зерттеулер мен ғылыми жаңалықтар.
5. Заманауи химиялық технологиялар және өнеркәсіпке арналған инновациялық шешімдер.
Конференция қорытындысы бойынша ғылыми мақалалар жинағы жарық көреді. Жинақ электрондық форматта (PDF) жарияланады. Конференция қатысушыларына электрондық сертификаттар беріледі.
Материалдарды қабылдау мерзімі: 2026 жылғы 27 қарашаға дейін қоса алғанда. Материалдар ТЕК www.sci-conf.tou.edu.kz сайты арқылы қабылданады. Көрсетілген мерзімнен КЕЙІН ТАПСЫРЫЛҒАН және ЭЛЕКТРОНДЫҚ ПОШТА арқылы жіберілген мақалалар ҚАБЫЛДАНБАЙДЫ!

 

Құрметті студенттер!

2026–2027 оқу жылының көктемгі семестрінде ТМД елдерінің — Қырғызстан, Әзербайжан және Өзбекстанның жоғары оқу орындарында академиялық ұтқырлық бағдарламасы бойынша білім алуға өтінімдер қабылданады. Конкурсқа мемлекеттік білім беру гранты және ақылы негізде білім алатын бакалавриаттың 1, 2, 3-курс студенттері, сондай-ақ магистранттар қатыса алады.

Қабылдаушы университетте білім алу тегін негізде жүзеге асырылады. Жол жүру, тұру, тамақтану, медициналық сақтандыру және қажетті құжаттарды рәсімдеу шығындарын білім алушылар өз қаражаты есебінен төлейді.

Іріктеудің негізгі критерийлері:

• барлық оқу кезеңіндегі жоғары академиялық үлгерім (GPA көрсеткіші 2,7-ден төмен болмауы тиіс);

• шет тілін білу талап етілмейді.

Қажетті құжаттар тізімі:

1. Өтініш және келісім — 2 дана.

2. Қазақстан Республикасы азаматы паспортының көшірмесі.

3. Университет мөрімен расталған академиялық үлгерім туралы транскрипт (Студенттерге қызмет көрсету орталығынан тапсырыс беріледі).

4. № 075 нысанындағы медициналық анықтама және флюорография қорытындысы.

5. 3 × 4 см көлеміндегі фотосурет — 4 дана.

6. Кафедра меңгерушісі мен факультет деканының ұсыным хаты.

7. Студенттің шетелде білім алуына ата-анасының келісімі туралы өтініш.

ТМД елдеріндегі серіктес университеттер тізімі

Әзербайжан

1. Әзербайжан мемлекеттік мұнай және өнеркәсіп университеті

Ресми сайты: https://asoiu.edu.az/

2. Баку славян университеті

Ресми сайты: https://bsu-uni.edu.az/

3. Әзербайжан тілдер университеті

Ресми сайты: https://adu.edu.az/ru

4. Әзербайжан техникалық университеті

Ресми сайты: https://www.aztu.edu.az/

5. Әзербайжан сәулет және құрылыс университеті

Ресми сайты: https://www.azmiu.edu.az/ru

6. Әзербайжан мемлекеттік экономика университеті (UNEC)

Ресми сайты: https://unec.edu.az/ru/

7. Сумгаит мемлекеттік университеті

Ресми сайты: https://sdu.edu.az/en

Өзбекстан

1. Ташкент мемлекеттік көлік университеті

Ресми сайты: https://tstu.uz/ru/

2. Шароф Рашидов атындағы Самарқанд мемлекеттік университеті

Ресми сайты: https://www.samdu.uz/ru

3. Ислам Каримов атындағы Ташкент мемлекеттік техникалық университеті

Ресми сайты: https://tdtu.uz/

Қырғызстан

1. И. Раззаков атындағы Қырғыз мемлекеттік техникалық университеті

Ресми сайты: https://kstu.kg/

2. И. Арабаев атындағы Қырғыз мемлекеттік университеті

Ресми сайты: https://arabaevksu.edu.kg/ru

Құжаттарды тапсырудың соңғы мерзімі: 2026 жылғы 25 қараша.

Құжаттар Халықаралық ынтымақтастық департаментінде, 110 кабинетте қабылданады.

Байланыс ақпараты: тел.: +7 (7182) 67-36-85, ішкі нөмірі 12-05;

e-mail: cam@tou.edu.kz.

Бағдарлама үйлестірушілері: Жібек Абайқызы, Аружан Қайратқызы.