Ғалымдарды, оқытушыларды, мектеп мұғалімдерін, докторанттарды, магистранттар мен студенттерді «ХVIII Торайғыров оқулары» атты Халықаралық ғылыми-тәжірибелік конференциясына қатысуға шақырамыз

23 қазан 2026 жыл

«Торайғыров оқулары» – жыл сайын өткізілетін Халықаралық ғылыми-практикалық конференция. XVIII Торайғыров оқулары Қазақстан Республикасының Президенті Қасым-Жомарт Тоқаев жариялаған 2026 жылғы Цифрландыру және жасанды интеллект жылына арналған. Конференция аясында қазіргі ғылымның әртүрлі салаларындағы өзекті мәселелер келесі бағыттар бойынша қарастырылады: жаратылыстану ғылымдары; гуманитарлық және әлеуметтік ғылымдар; экономика және құқық; инженерия; ауыл шаруашылығы ғылымдары; энергетика; физика-математикалық және компьютерлік ғылымдар.

Өткізу орны: «Торайғыров университеті» КЕАҚ, Павлодар қ., 64 Ломов көшесі, БОҒ.

Өткізу форматы: офлайн.

Конференция аясында келесі санаттар бойынша секциялық отырыстар өтеді:

-       ЖОО және колледж студенттері;

-       магистранттар.

НАЗАР АУДАРЫҢЫЗ! 1 (бір) баяндаманы жасауға 2 (екі) баяндамашынан артық емес жіберіледі. Секциялық отырысқа қатысу үшін ТІРКЕУ www.sci-conf.tou.edu.kz сайтта «Мақаланы жіберу» бетінде жүзеге асырылады.

Конференцияның қорытындысы бойынша ғылыми мақалалар жинағы шығарылады. Жинақ электрондық формат (PDF) түрінде шығарылады, конференцияның қатысушыларына электронды сертификаттар табыс етіледі.

Материалдарды ұсыну мерзімі: 2026 жылдың 16 қазанына дейін (қоса алғанда) ТЕК www.sci-conf.tou.edu.kz сайт арқылы.

Көрсетілген МЕРЗІМНЕН КЕШ ЖІБЕРІЛГЕН және ЭЛЕКТРОНДЫҚ ПОШТАҒА жіберілген мақалалар ҚАБЫЛДАНБАЙДЫ!

МАҚАЛАЛАРҒА ҚОЙЫЛАТЫН ТАЛАПТАР

1.        Конференцияның жұмыс тілдері: қазақ, орыс, ағылшын.

2.        1 (бір) мақаланы жариялау құны – 3 000 ТЕҢГЕ. Төлем мақаланы ЖАУАПТЫ ХАТШЫ ҚАБЫЛДАҒАННАН КЕЙІН ҒАНА төленеді. Егер жарияланымнан бас тартылса, қаражат ҚАЙТАРЫЛМАЙДЫ. Мақаланы жариялау құны туралы толығырақ www.sci-conf.tou.edu.kz сайтында.

3.        Мақала көлемі: Times New Roman қарпімен (12-кегль) 3-5 бет. Мақалаларды рәсімдеуге қойылатын талаптармен және Мақаланы рәсімдеу үлгісімен толығырақ www.sci-conf.tou.edu.kz сайттағы "Авторларға" бөлімінде танысуға болады.

4.        Мақаланың өзіндік ерекшелігі кемінде 60% болуы керек. Тексеруді antiplagiat.ru, exactus.ru немесе басқа тегін сервистер арқылы жүзеге асыруға болады. Плагиатқа тексеруден өту туралы анықтама JPG (скриншот) немесе PDF форматтарында қабылданады, анықтамада мақаланың/автордың атауы анық көрінуі керек. Талаптарға сай келмейтін анықтамалар қабылданбайды.

5.        Бір автордың (авторлардың) мақалалар саны шектелмейді.

6.        Бір мақалада 3 (үш) бірлескен автордан артық болмау керек.

7.        Ғылыми мақала конференция тақырыбына сәйкес болуы, түпнұсқа, өзекті болуы, ғылыми жаңалығы, болжамдардың негізділігі болуы, емле, пунктуация ережелері мен төменде көрсетілген ресімдеу талаптарына сәйкес болуы тиіс.

8.        Жауапты хатшы тіркеу ережелеріне, секция тақырыбына сәйкес келмейтін материалдарды қайтаруға немесе қабылдамауға құқылы.

БАЙЛАНЫС ДЕРЕКТЕРІ

Мекенжайы: Қазақстан Республикасы, Павлодар қ., Ломов көш., 64-үй, Торайғыров университеті

Ғылыми әлеуетті дамыту және зияткерлік меншік бөлімі (236 каб.)

Тел.: 8 (7182) 67-36-83 жұмыс күндері 9:00-18:00-ге дейін.

Вебсайт: www.sci-conf.tou.edu.kz

«ҒЫЛЫМ ҚАЙРАТКЕРІ» РЕСПУБЛИКАЛЫҚ БАЙҚАУЫ

Қазақстан Республикасы Тәуелсіздігінің 35 жылдық мерейтойына орай «Жаңа Қазақстан» республикалық инновациялық орталығының ұйымдастыруымен «ҒЫЛЫМ ҚАЙРАТКЕРІ» атты республикалық байқау өткізіледі.

Байқаудың негізгі мақсаты – отандық ғылым жетістіктерін насихаттау, ғылымның дамуына үлес қосқан ғалымдар мен мамандарды дәріптеу, ғылыми-зерттеу нәтижелерін қоғамға таныту және жастар арасында ғылым мен білімнің беделін арттыру.

Байқауға ғылыми қызметкерлер қатыса алады.

Байқау жеңімпаздары:

- «ҒЫЛЫМ ҚАЙРАТКЕРІ» төсбелгісімен;
- куәлікпен;
- «ҒЫЛЫМ ҚАЙРАТКЕРІ» статуэткасымен;
- дәрежелі дипломмен марапатталады.

Қатысу үшін қажетті құжаттар 2026 жылғы 30 қазанға дейін қабылданады.

Қосымша ақпарат:
Электрондық пошта: ruhany.jangiru.17@bk.ru
Instagram: @bilim_orkenieti_
Байланыс телефондары: +7 747 628 8054, +7 702 986 6405

Марапаттау рәсімі Астана қаласында конференция форматында өтеді.

«Қазақ құрылыс және сәулет ғылыми-зерттеу және жобалау институты» АҚ buildingSMART Kazakhstan ұйымымен бірлесіп, Сіздердің жоғары оқу орындарыңыздың студенттерін цифрлық құрылыс саласындағы II Ұлттық buildingSMART Kazakhstan Awards 2026 & Student SMART Cup сыйлығына қатысуға шақырады.

Student SMART Cup 2026 студенттік байқауы 2026 жылғы 15 қазанда Алматы қаласында өтеді. Жеңімпаздарды марапаттау рәсімі 2026 жылғы 22 қазанда цифрлық құрылыс пен openBIM-ге арналған buildingSMART Kazakhstan Awards 2026 ұлттық сыйлығы мен конференциясы аясында өтеді.

Конференцияның және студенттердің қатысуының мақсаты – болашақ мамандардың цифрлық құзыреттерін дамытуға қолдау көрсету, үздік студенттік командаларды ынталандыру, сондай-ақ жоғары оқу орындарының BIM технологияларын қолдану тәжірибесіне интеграциясын күшейту және білім беру ортасы мен заманауи құрылыс саласы арасында берік байланыс қалыптастыру.

buildingSMART Kazakhstan Awards – құрылыс саласын цифрлық трансформациялауға бағытталған үздік жобаларды, шешімдер мен бастамаларды атап өтуге және ынталандыруға арналған ұлттық сыйлық. Сыйлық аясында openBIM стандарттарын енгізуге, тиімді цифрлық құралдарды пайдалануға және құрылыс объектілерінің өмірлік циклін басқарудың инновациялық тәсілдеріне ерекше назар аударылады.

2026 жылы сыйлық аясында Қазақстан Республикасында цифрлық құрылысты дамытуға елеулі үлес қосқан саланың көшбасшылары марапатталады. Сонымен қатар «Student SMART Cup 2026 жеңімпазы (ақпараттық модельдеу бойынша ЖОО командасы)» номинациясы қарастырылған.

Команда жеңімпазын 3 тәуелсіз сарапшыдан тұратын қазылар алқасы анықтайды. Байқауға техникалық және сәулет-құрылыс бағыттарында білім алатын 3–4 курс студенттерінен құралған 3 студенттік командалар, сондай-ақ жобалық топ құрамына тәлімгер ретінде кіретін ғылыми жетекшілер, докторанттар және оқытушылар шақырылады.

Назарларыңызға саламыз, Student SMART Cup байқауына қатысуға өтінімдерді қабылдау 2026 жылғы 30 қыркүйекте аяқталады.

Өтінім беру үшін isundarev.kazniisa@gmail.com электрондық мекенжайына хат жіберу қажет. Хатқа келесі құжаттарды қоса тіркеу керек:

Команданың толық құрамын және қажетті байланыс ақпаратын қамтитын өтінім (нысаны қоса берілген);

Білім беру ұйымының ресми бланкісінде рәсімделген ілеспе хат.

Байқау шарттарымен мына сілтеме бойынша танысуға болады: https://docs.google.com/document/d/1vjMol5OGhKgOf0oyg3cOQK4xrhIAaGFC/edit#heading=h.ueq58kq26zqb

Сіздердің білім беру ұйымдарыңыздың таланттарды біріктіретін Student SMART Cup іс-шарасына белсенді қатысқанына қуанышты боламыз! Сіздердің қатысуларыңыз жарыстың беделін арттырып қана қоймай, студенттеріңізге баға жетпес тәжірибе береді.

Байқау өткізілетін орын: қосымша хабарланады.