Құрметті магистранттар!

2026–2027 оқу жылының көктемгі семестрінде Тадеуш Костюшко атындағы Краков политехникалық университетінде (Польша) академиялық ұтқырлық бағдарламасы бойынша білім алуға өтінімдер қабылданады. Бағдарламаға мемлекеттік білім беру гранты және ақылы негізде білім алатын магистранттар келесі бағыттар бойынша қатыса алады:

1. Сәулет факультеті;

2. Информатика және математика факультеті;

3. Химиялық инженерия және технология факультеті;

4. Құрылыс инженериясы факультеті;

5. Электротехника және компьютерлік инженерия факультеті;

6. Экологиялық инженерия және энергетика факультеті;

7. Материалтану және физика факультеті;

8. Машина жасау факультеті.

Қатысу шарттары: қабылдаушы университетте оқу тегін негізде жүзеге асырылады. Әуе билеті, тұру, тамақтану, виза рәсімдеу, медициналық сақтандыру және басқа да ілеспе шығындарды білім алушы өз қаражаты есебінен төлейді.

Іріктеудің негізгі талаптары: - бүкіл оқу кезеңіндегі жоғары академиялық үлгерім; - GPA көрсеткіші 3,0-ден төмен болмауы; - ағылшын тілін кемінде B2 деңгейінде меңгеру; - IELTS немесе TOEFL сертификатының болуы.

Құжаттарды қабылдау орны: Халықаралық ынтымақтастық департаменті, 115B кабинеті.

Қажетті құжаттар тізімі:

1. Өтініш пен келісім — екі данада.

2. Қазақстан Республикасы азаматының жеке куәлігінің немесе паспортының көшірмесі.

3. Университет мөрімен расталған академиялық үлгерім транскрипті (Тіркеуші кеңсесіне тапсырыс беру қажет).

4. Шетелге шығушыларға арналған № 075 нысанындағы медициналық анықтама және флюорография нәтижесі.

5. 3 × 4 см көлеміндегі фотосурет — 4 дана.

6. Кафедра меңгерушісі мен факультет деканының ұсыным хаттары.

7. Ағылшын тілін меңгеру деңгейін растайтын сертификат (IELTS немесе TOEFL).

Құжаттарды тапсырудың соңғы мерзімі — 2026 жылғы 31 қазан қоса алғанда.

Байланыс ақпараты: Халықаралық ынтымақтастық департаменті, 115B кабинеті

Телефон: +7 (7182) 67-36-85, ішкі нөмірі: 12-05; +7 707 886 15 45

Электрондық пошта: cam@tou.edu.kz

ХЫДБ үйлестірушісі: Жібек Абайқызы.

❗️❗️❗️ Құрметті әріптестер!

Қазақстан үшін Elsevier компаниясының LeapSpace AI платформасына тестілік қолжетімділік ашылғанын қуана хабарлаймыз.

LeapSpace – ғылыми ақпаратпен жұмыс істеуге және зерттеу міндеттерін шешуге арналған жасанды интеллект платформасы. Платформа ЖИ көмегімен ғылыми әдебиеттерді іздеуге және талдауға, жарияланымдар мен ғылыми тәсілдерді салыстыруға, негізгі қорытындылар мен зерттелмеген бағыттарды анықтауға, сондай-ақ ақпаратты бастапқы дереккөздер арқылы тексеруге мүмкіндік береді.
(www.elsevier.com)

Тестілік кезең: 2026 жылғы 7 қазаннан 7 қарашаға дейін.

Платформаға қолжетімділік: https://www.sciencedirect.com/leapspace/

Кіру үшін Elsevier/ScienceDirect жүйесіндегі пайдаланушы аты мен құпиясөзді пайдалану қажет.
Тестілік кезең барысында платформаның мүмкіндіктерімен танысып, оның функционалын сынап көре аласыздар.

«Заңғар заңгер – 2026» республикалық зияткерлік конкурсы
Maqsut Narikbayev University және Қазақстан Республикасы Ғылым және жоғары білім министрлігінің Тіл саясаты комитеті 2026 жылғы 22 қазанда студенттер арасында дәстүрлі «Заңғар заңгер – 2026» республикалық зияткерлік конкурсын өткізеді.
Конкурсқа Қазақстан ЖОО-ларының «Құқықтану» мамандығының 2–3 курс студенттері қатыса алады. Әр университеттен 5 студенттен тұратын 1 команда қатысады.
Конкурс 2 кезеңнен тұрады:
1-кезең – онлайн іріктеу.
Команда 2 минуттық видео-таныстырылым дайындап, 8 қазан 2026 жылға дейін өтініммен бірге жүктеуі қажет:
https://forms.gle/6k4LbF8N1GQqRtTC9
Видео 25 балдық жүйемен бағаланады:
командалық бірлік – 5 балл;
ерекшелік пен бірегейлік – 5 балл;
креативтілік – 5 балл;
музыкалық-техникалық сүйемелдеу – 5 балл;
2 минуттық регламентті сақтау – 5 балл.
Іріктеу нәтижесінде үздік 10 команда финалға өтеді.
2-кезең – офлайн финал.
Күні: 22 қазан 2026 жыл, 09:00
Өтетін орны: Астана қ., Қорғалжын тас жолы, 8, Maqsut Narikbayev University, Conference Hall.
Финал 3 турдан тұрады: команданың таныстырылымы, арнайы тапсырма және «Кім алғыр?» зияткерлік сайысы.
Жеңімпаз команда «Заңғар заңгер – 2026» кубогы мен ақшалай сыйлыққа ие болады. Барлық қатысушыларға сертификат беріледі.
Маңызды: MNU командасы конкурсқа қатысады, бірақ жүлделі орындарға үміткер емес. Әр командада ноутбук болуы міндетті, себебі конкурс барысында жасанды интеллектіге негізделген тапсырма қарастырылған.