Факультет жаңалықтары

 

 

 

 

 
«Еліміздің еркіндігі – Тәуелсіздік» атты шарасы ZOOM платформасында өтті
 
 
Павлодар қаласы Торайғыров университеті Foundation факультетінің Даярлық бөлімі тыңдаушыларына Ел тәуелсіздігі мерекесіне арналған «Еліміздің еркіндігі – Тәуелсіздік» атты шарасы ZOOM платформасында өтті. Шараның өткізілуі тыңдаушылар көмегімен жүзеге асырылды. Топтарға тәуелсіздік тақырыбына слайд жасауға тапсырма берілді. ДБ-3 пен ДБ-5 тобына «Қазақстан тәуелсіздік жолында», ДБ-1 тобына «ҚР рәміздері», ДБ-2 мен ДБ-4 тобына «Тәуелсіз Қазақстан» тақырыбы бойынша слайд жасап, спикер тыңдаушылар слайдтарын қорғап шықты. Бұндай тапсырмаларды беру арқылы, біз балалардың патриоттық сезімдерін оятуға және тарихтан білімдерін кеңейтуге жол ашамыз.
Осыдан 29 жыл бұрын еліміз тәуелсіздігін жариялап, әлемдік картада жаңа мемлекет пайда болды, сондықтан 1991 жылдың 16 желтоқсаны Қазақстан Республикасы тарихының ең ұлық ақтаңдақ күні! Осы сәттен бастап, біз кемел келешекке деген өз жолымызды таңдадық, Мәңгілік Ел болу мұратындағы бағдарымызды айқындадық. Тәуелсіздік мерекесі – жүрегі Отан деп соққан әрбір азаматтың қасиетті мейрамы, еліміздің ең басты тойы.
Тарихқа шолу жасалды, Желтоқсан оқиғасына байланысты бейнежазба көрсетілді, Тәуелсіз Қазақстанның жағдайы мен рәміздері туралы айтылды, Өлең оқылды, Ән шырқалды.
 
і Foundation факультетінің ұйымдастыруымен дайындық бөлімдеріне арналған РОӘК оқу-әдістемелік бірлестігінің отырысы
 
   
2020 жылдың 27 қараша күні Торайғыров университеті Foundation факультетінің ұйымдастыруымен дайындық бөлімдеріне арналған РОӘК оқу-әдістемелік бірлестігінің отырысы өткізілді. Zoom платформасында өткізілген онлайн-отырысына ұлты қазақ шетел азаматтарын оқытатын 18 жоғары оқу орындары қатысты. Отырыстың модераторы Foundation факультетінің деканы С. К. Ксембаева болды. Негізгі мәселелер бойынша спикерлер – Foundation факультетінің деканы Сауле Камалиденқызы Ксембаева, декан орынбасары Алуа Жақанқызы Дюсенова, факультет әдіскері Анар Балтабекқызы Сыздыкова болды.
Әдістемелік кеңес мүшелері 2020-2021 оқу жылына арналған ОӘК-тің жаңа құрамын бекітті. Отырыста ОӘК туралы ереже қарастырылды және бекітілді, сонымен бірге Торайғыров университетінің ОӘК ДБ порталы ұсынылды. Порталда ОӘК ДБ туралы толық ақпаратты (құжаттама, Қазақстан университеттерінің дайындық бөлімдері туралы мәлімет пен оқу-тәрбие жұмысының процесін) көруге болады.
Біздің оқу-әдістемелік бірлестігіміздің отырысына қатысқандарыңыз үшін алғыс білдіреміз. Кездесу қорытындысы бойынша келесі отырыста талқыланатын ұсыныстар әзірленді.
 
«ЗЕРДЕ» ОНЛАЙН ИНТЕЛЛЕКТУАЛДЫҚ ОЙЫНЫ
 
«ЗЕРДЕ» ОНЛАЙН ИНТЕЛЛЕКТУАЛДЫҚ ОЙЫНЫ
Жыл сайын "Foundation" факультеті дайындық бөлімінің тыңдаушылары үшін зияткерлік ойын ұйымдастырады. Биылғы жылы ойын ерекше болды. Алғаш рет "Зерде" ойыны "ZOOM" платформасы арқылы онлайн форматта өтті.
Ойынға 5 команда қатысты. Іс-шараны өткізудің ерекше форматына қарамастан, әрбір қатысушы команда жеңіске жетуі үшін өздерінің білімі мен тапқырлығын көрсете білді. Нәтижесінде III орынды "Қырандар", II орынды "Сұңқар", ал жүлделі орынды "Бірлікшіл" командасы иеленді.
Барлық жеңімпаздарды құттықтаймыз!