Campus №1 (мекенжайы: Павлодар қаласы, Толстой көшесі, 101) – үш блоктан тұратын бес қабатты ғимарат. Campus №1 162 тұрғын бөлме бар, жалпы сыйымдылығы – 360 орын.

• Campus №1 орындар ең алдымен халықтың әлеуметтік осал топтарына жататын студенттерге және мемлекеттік білім беру гранты негізінде білім алушыларға беріледі. Сонымен қатар, Қазақстан Республикасының басқа өңірлерінен және шет мемлекеттерден келген студенттерге басымдық қарастырылады.
• Жыл сайын Университеттің Ғылыми кеңесінің шешіміне сәйкес жетім балалар және ата-ана қамқорлығынсыз қалған балалар санатына жататын студенттер жатақханада тұру ақысынан босатылады.
• Студенттердің бос уақытын тиімді ұйымдастыру мақсатында жатақханада проекциялық теледидармен жабдықталған мәжіліс залы, кітапхана, компьютерлік сынып, сондай-ақ спорттық құралдармен қамтамасыз етілген тренажер және теннис залдары жұмыс істейді.
• Campus №1 аумағында жазғы спорттық стритбол алаңы, турник, швед қабырғасы және жыланша орнатылған.
• Білім алушылардың сапалы дайындалуына жағдай жасау үшін арнайы оқу сыныбы мен оқу залы қарастырылған.
• Campus №1 тәулік бойы күзет қызметімен және бейнебақылау жүйесімен қамтамасыз етілген.
• Ғимарат аумағы абаттандырылған: демалыс орындықтары орнатылып, көгалдандыру жұмыстары жүргізіліп, гүлдер отырғызылған.

Campus №2 2015 жылғы 20 қазанда пайдалануға берілді. Мекенжайы: Павлодар қаласы, Академик Чокин көшесі, 139/1.

• Campus №2 500 орынға есептелген және 220 тұрғын бөлмеден тұрады. Әрбір бөлме жуыну бөлмесімен және санитарлық тораппен қамтамасыз етілген. Сонымен қатар, ас үй бұрышында екі конфорлы электр плитасы орнатылған.
• Бөлмелер қажетті жиһазбен – кереуеттермен, кітап сөрелерімен, үстелдермен және орындықтармен толық жабдықталған.
• Студенттердің бос уақытын тиімді ұйымдастыру және қолайлы тұрмыс жағдайын қамтамасыз ету мақсатында ғимаратта Wi-Fi желісі жұмыс істейді, холл аймағында OTAU TV спутниктік теледидары орнатылған, сондай-ақ компьютерлік сынып қарастырылған.
• Тұрғындарға арналған кір жуатын бөлме қызмет көрсетеді.
• Campus №2 тәулік бойы күзет қызметінің бақылауында. Ғимарат ішінде және оған іргелес аумақта бейнебақылау камералары орнатылған. Кіру аймағында электрондық өткізу жүйесі жұмыс істейді. Ғимарат заманауи өрт дабылы жүйесімен және дыбыстық хабарландыру жүйесімен жабдықталған.
• Campus №2 аумағында тәулік бойы қауіпсіздікті қамтамасыз ететін қауіпсіздік бақылау және бейнебақылау жүйесі жұмыс істейді. Барлық тұрғын бөлмелерде және ортақ пайдаланылатын үй-жайларда автоматты өрт дабыл жүйесі қарастырылған.
• Тұрғын студенттермен өрт қауіпсіздігі талаптарын сақтау және төтенше жағдайлар кезіндегі іс-қимыл тәртібі бойынша тұрақты түрде түсіндіру және алдын алу жұмыстары жүргізіледі.

Campus №3 2023 жылдың 20 тамызында пайдалануға берілді. Орналасқан мекенжайы: Ломов көшесі, 64/2. Жатақханада барлығы 600 төсек орын есептелген, 150 бөлме бар.

• Әр бөлме жуыну бөлмесімен, санитарлық тораппен, ас үй бұрышында екі камфорлы тоқ плитасы, қажетті ас үй жиһазы, 4 адамға керует, киім ілетін шкаф, үстел, орындықтармен жабдықталған.
• Жатақхана ішінде медициналық кабинет, оқу залы, компьютер кабинеті, психолог кабинеті жұмыс істейді.
• Студенттердің бос уақытын ұйымдастыру үшін Wi-Fi, әр қабатта коворкинг, теннис залдары, кір жуатын арнайы бөлме орналасқан.
• Жатақхана тәулік бойы күзеттің бақылауында, ішкі және сыртқы аумақта бейнебақылау камералары орнатылған.
• Кіреберіс бөлігінде вахтада электрондық өткізу жүйесі турникет орналасқан.
• Студенттерге өрт қауіпсіздігі ережелерін сақтау және төтенше жағдай кезінде не істеу керектігі жөнінде түсіндіру жұмыстары тұрақты түрде өткізіліп тұрады.