Университеттің агрономдары мен биологтары шетелде тәжірибеден өтуде.
Академиялық ұтқырлық бағдарламасы аясында студенттер Польша, Түркия, Германия және Чехия кәсіпорындарында жұмыс істейді.

Өндірістік тәжірибе Рrimavega (Польша) ірі инновациялық дақылдарды өсіру және өндіру компаниясында өтеді. Бұл Ломждағы Халықаралық қолданбалы ғылымдар Академиясымен қол қойылған ынтымақтастық шартының арқасында мүмкін болды.
Студенттер ауыл шаруашылығы өнімдерін өсіру, суару, жинау, буып-түю дағдыларын "Green Holding" компаниясынан - Еуропадағы ауыл шаруашылығы тауарларының ірі өндірушісі болып табылатын ауыл шаруашылығындағы жетекші холдингтен алады. Айта кету керек, Павлодар облысы заманауи және техникалық жағынан озық кәсіпорындарда тағылымдамадан өткен тәжірибелі мамандарға үнемі мұқтаж аграрлық өңірлер болып табылады. Практика кезеңі студенттердің еңбек өтіліне енетіні маңызды.
Анталияда тәжірибе "Caspian Center" ЖШС-де, Здуновода "Аgrarna АR Sp.z.o. o" компаниясында өтуде. Студенттер Германияға және Чехияға Палацкий Университетіне "DUELA-Nienburg" және "LOGO.e.V" бағдарламаларын жүзеге асыру аясында барды.
Барлығы 20 дан астам студент болды
-Жаңа білім мен дағдылар оларға қазақстандық қана емес, халықаралық еңбек нарығында да бәсекеге түсуге көмектесетіні сөзсіз. Біз шетелдік жоғары оқу орындарымен және компаниялармен серіктестік туралы келіскен кезде дәл осы мақсатқа қол жеткіземіз. Біз үшін студенттердің ең жақсы тәжірибелерді қабылдауы, содан кейін оларды енгізу және жетілдіру маңызды. Біздің практиканттарды үйде асыға күтеміз, - деп атап өтті ЖОО ректоры Еркін Садықов.16:01