Торайғыров университетіне Индонезияның Қазақстандағы елшісі Мохамад Фаджрул Рахман келді.

Торайғыров университетінің ректоры  Нұрлан Медетов кіріспе сөз сөйледі.

    - Білім берудің жаһандануы - бұл жай ғана үрдіс емес, қажеттілік. Сондықтан біз әлемнің әр еліндегі жоғары оқу орындарымен және басқа ұйымдармен ынтымақтасуға тырысамыз. Осындай халықаралық диалог арқылы, білім мен мәдениеттер алмасуы арқылы біз студенттеріміздің оқу процесін байытып қана қоймай, өзара түсіністік пен инновацияға негізделген болашақты қалыптастыруға үлес қоса аламыз. Бүгінгі таңда Индонезияның көптеген университеттері халықаралық бәсекеге қабілеттілігін арттыру үшін белсенді жұмыс істейді және шетелдік студенттерді көбірек тартуда. Біз де сол бағытта жүрміз, сондықтан осы елдің өкілдерімен серіктестікке мүдделіміз.   

Кездесуде дәстүрлі индонезиялық билер, сондай-ақ аспаздық шеберлік класы  ұсынылды. Сонымен қатар, елші Индонезияда оқу мүмкіндіктері туралы дәріс оқыды.