Торайғыров университетінде ҚР ҒЖБМ қолдауымен ұйымдастырылған Erasmus + ақпараттық күні өтті. 

Инфосессияны Erasmus + ұлттық кеңсесінің үйлестірушісі Лаура Палуанова жүргізді. 

Кездесуде Erasmus+ бағдарламалары ұсынатын перспективалар мен мүмкіндіктер талқыланды: Жоғары білім берудің әлеуетін арттыру (Capacity Building in Higher Education), Жан Моне, Erasmus Mundus Joint Masters. 

Ақпараттық сессия аясында Erasmus+бағдарламаларының конкурстарына алғаш рет қатысуды жоспарлап отырған өңірлік жоғары оқу орындары үшін практикалық ұсынымдар ұсынылды. Лаура Палуанова жобалық өтінімді дайындаудың негізгі кезеңдері, серіктестерді таңдау ерекшеліктері және табысты жобалардың критерийлері туралы егжей-тегжейлі айтып берді. Сонымен қатар, Қазақстандағы Erasmus + ұлттық кеңсесінің үйлестірушісі оң пікірлерін білдірді. Спикер Erasmus+ бағдарламасы шеңберінде білім беру жобаларын әзірлеу мен іске асырудағы Торайғыров университетінің табысты тәжірибесін атап өтіп, университеттің жобалық менеджментінің жоғары деңгейін және белсенді халықаралық ынтымақтастығын атап өтті.

Сонымен қатар, агротехнология кафедрасының қауымдастырылған профессоры, Agrokaz білім беру жобасының қатысушысы Виктор Камкин сөз сөйледі.  

Agrokaz жобасы Erasmus+ қолдауымен белсенді жүзеге асырылуда және шетелдік серіктестермен ынтымақтастықты қамтиды. Жоба Қазақстанның үш университетінде агроэкология бойынша бакалавриаттың тұрақты дуальды бағдарламасын әзірлеуге және іске асыруға, сондай-ақ кәсіпқойлар үшін өмір бойы курстар құруға бағытталған.