Ж. Аймауытов атындағы Этнопедагогика және білім берудің инновациялық технологиялары ҒПО директоры Енгилик Жұматаева және Электр энергетикасы кафедрасының постдокторанты Бауыржан Машрапов "Үздік ғылыми қызметкер - 2023" байқауының жеңімпаздары атанды.
Айта кету керек, ғылыми-зерттеу институттарының, жоғары оқу орындарының және ұйымдардың ғылыми бөлімшелерінің 50 ғалымы жеңімпаз атанды, олардың әрқайсысы куәлік пен 2000 АЕК мөлшерінде  сыйақы алады.

Университет ғалымдары инжиниринг және технология, әлеуметтік ғылымдар бағыттарында жеңіске жетті. 
- Торайғыров университетінде қызметкерлердің ғылыми-зерттеу қызметі әрқашан көтермеленеді. Осының арқасында ғылыми қоғамдастықта біздің университеттің беделі артып, оның қабырғасында берілетін білім сапасы артып келеді. Бүгінде Қазақстанда ғылымға ерекше көңіл бөлінеді, сондықтан біздің ғалымдарымыз осы мүмкіндікті пайдалануы керек. Түрлі гранттар, конкурстар мен тағылымдамалар қазақстандықтарға және бүкіл адамзатқа пайда әкелетін жобаларды жүзеге асыруға мүмкіндік береді. "Үздік ғылыми қызметкер" байқауында атап өтілген ToU өкілдерінің еңбектері дәл осы санаттан шыққан, - деп атап өтті ЖОО ректоры Еркін Садықов.
Конкурсқа барлығы 7 бағыт бойынша 307 өтінім түсті: "Жаратылыстану ғылымдары", "Инжиниринг және технологиялар", "Медицина және денсаулық сақтау", "Әлеуметтік ғылымдар", "Гуманитарлық ғылымдар және өнер", "Ауыл шаруашылығы және ветеринария ғылымдары" және "Әскери ғылымдар және ұлттық қауіпсіздік".