Торайғыров университетінде Қазақстан Республикасының Конституциясы нормаларын түсіндіруге бағытталған «Конституция – ел болашағының негізі» тақырыбында бірінші курс студенттеріне арналған дәрістер өтті.

 

 

Іс-шараның басты мақсаты – студенттердің конституциялық құқықтары мен міндеттері туралы білімдерін арттыру, құқықтық сауаттылығын қалыптастыру және Қазақстан Республикасының негізгі заңындағы маңызды нормаларды түсіндіру.

 

 

Тақырыпты жан-жақты түсіндіру мақсатында дәрістерді Торайғыров университетінің тәжірибелі әрі білікті мамандары жүргізді. Атап айтқанда:

 

 

* «Үштұғырлы тіл» кафедрасының меңгерушісі, филология ғылымдарының кандидаты А. Зейнулина;

* Философия және әлеуметтік ғылымдар кафедрасының қауымдастырылған профессоры, PhD Г. Каппасова;

* Философия және әлеуметтік ғылымдар кафедрасының аға оқытушысы Б. Поломорчук;

* «Құқықтану» кафедрасының қауымдастырылған профессоры, PhD Г. Шамшудинова.

 

 

Дәріс барысында студенттер өздерін қызықтырған сұрақтарын қойып, мамандармен пікір алмасты. Бұл кездесулер жастардың құқықтық білімін тереңдетіп қана қоймай, Конституцияға деген құрметін арттыруға мүмкіндік берді.