Торайғыров университеті мен Pavlodar Hub бірлесіп ұйымдастырған AI Talk Day іс-шарасы мектеп оқушыларына, студенттерге және цифрлық технологиялар саласына қызығушылық танытатын жастарға арналды. Аталған іс-шара білім беру және мотивациялық алаң ретінде өтіп, қатысушыларға заманауи технологиялар мен цифрлық индустрияның даму бағыттары жөнінде жан-жақты мәлімет ұсынды.

Іс-шара барысында қатысушылар IT, бизнес және білім беру салаларының сарапшыларымен кездесіп, олардың кәсіби қалыптасу жолындағы тәжірибелерімен танысты. Сонымен қатар технологиялық индустриядағы өзекті үрдістер талқыланып, болашақта сұранысқа ие болатын дағдыларды дамыту жөнінде тәжірибелік ұсыныстар берілді.

Спикерлер қонақтарға болашақ мамандықтардың ерекшеліктері, кәсіпкерліктің даму перспективалары және IT саласында еңбек жолын ерте бастаудың мүмкіндіктері туралы баяндады. Әсіресе цифрлық құзыреттерді жетілдірудің маңыздылығы, жасанды интеллектінің қазіргі қоғамдағы рөлі және қарқынды өзгеріп отырған еңбек нарығы жағдайында үздіксіз білім алудың қажеттілігіне айрықша назар аударылды.

AI Talk Day технология, инновация және өзін-өзі дамыту бағыттарына қызығушылық білдіретін жастардың басын қосып, жаңа байланыстар орнатуға, тәжірибе алмасуға және кәсіби шабыт алуға мүмкіндік беретін тиімді диалог алаңына айналды.

Осындай іс-шараларды өткізу жастар арасында IT бағыттарын кеңінен насихаттауға, цифрлық мәдениетті қалыптастыруға және заманауи технологиялық дәуірдің талаптарына жауап бере алатын жаңа буын мамандарын даярлауға ықпал етеді.