Торайғыров университетінде «Жастар және заң» жобасын іске асыру қорытындысы бойынша «дөңгелек үстел» өтті.

Ғылыми жұмыс және халықаралық ынтымақтастық жөніндегі басқарма мүшесі Нұрлан Ержанов кіріспе сөз сөйледі.

Іс-шараға облыстың білім басқармасының өкілдері мен прокурорлары қатысты.

- Сіздер біздің ынтымақтастық туралы меморандумымыз бойынша "Жастар және заң" жобасы басталғанын білесіздер. Бүгін біз Торайғыров университеті алғаш рет қатысып отырған жобаны іске асыру туралы айтып отырмыз, ол үшін университетке алғысымызды білдіреміз. Кез-келген профилактикалық жұмыс тек органдардың ғана емес, азаматтардың да жұмысын қамтуы керек. Біздің ынтымақтастығымыз тек бір жоба аясында ғана жалғаспайды деп үміттенемін, - деп атап өтті Павлодар облысы прокуратурасы басқармасының бастығы Батыр Қорғанбаев.

Басқарманың аға прокуроры, кіші әділет кеңесшісі Ринат Тоқушев «Жастар және Заң» жобасының мақсаттары мен міндеттері туралы баяндама жасады.

- Жобаның мақсаты кәмелетке толмағандар мен студенттер арасындағы құқық бұзушылықтардың алдын алу, құқықтық жауапкершілікті арттыру болып табылады. Міндеттері - жастардың жауапкершілігі мен патриотизмін арттыру, сондай-ақ азаматтық ұстанымын дамыту. Айта кетейік,  Торайғыров университетінің белсенді жұмысы есірткіге байланысты қылмыстардың санын азайтуға үлес қосты, - деп атап өтті Ринат Тоқушев.

Тұлғалық даму және білім беру кафедрасының меңгерушісі Рахила Әубәкірова «Жастар және заң» жобасы бойынша студенттерге жүргізілген сауалнама туралы баяндама жасады. Кафедра 21 сұрақтан тұратын «нашақорлыққа көзқарас» сауалнамасын әзірледі. 8 факультеттен 6 мыңнан астам студентке сауалнама жүргізілді.

Экономика және құқық факультетінің деканы Юрий Колесников жоба аясында студенттер мен оқытушылардың атқарған жұмыстары туралы айтып берді. Нашақорлықтың алдын алу бойынша кездесулер, оқушылар мен студенттер арасында пікірталас турнирлері өткізілді, "сот жүріп жатыр" фильмі түсірілді. Сабақтарда нашақорлықтың алдын алу үшін рөлдік ойын әдісі қолданылды.

Сонымен қатар, белсенді профилактикалық жұмысы үшін ЖОО оқытушылары мен студенттері алғыс хаттармен марапатталды.