PhD, Торайғыров университетінің химия және химиялық технологиялар кафедрасының зерттеуші ғалымы Иван Раделюк креативті индустрияға арналған STEPPE AWARDS 2023-те "Ғылым" санаты бойынша  жеңімпаз атанды.

-  Ғылымның өнер түріне жататындығын дәл анықтағаны үшін @thesteppe ұйымдастырушыларына екі себеп бойынша үлкен алғыс білдіреміз. Біріншіден: зертханаларда, есептеулерде, кодтауда, экспедицияларда "белгісізден - жұлдызға" өту процесінің эстетикасынан ләззат алу - нәтиже үлкен еңбекпен, термен, уақытпен, физикалық және психикалық денсаулықпен келген кезде. Екіншіден: қайғыда да, қуанышта да, байлықта да, кедейлікте де, қазақстандық жағдайда да мамандыққа деген берілгендік, -деп атап өтті Иван Раделюк.
Иванның ғылыми зерттеу саласы қоршаған орта объектілерінің аналитикалық химиясымен байланысты. Лунд университетінде (Швеция) PhD докторантурасын аяқтағаннан кейін Иван Раделюк өзінің зерттеулерін қоршаған ортаға қауіп-қатерді бағалауда ғана емес, сонымен қатар осы мәселелердің шешімдерін іздеуде де жалғастырды.
Тұщы су тапшылығы проблемаларын, су ресурстарының алдағы қысқаруын және атмосфералық ауа сапасының өте нашар жағдайын ескере отырып, бұл бағыттар өзекті болып табылады.
Оның қазіргі жобасы мақсатты параметр ретінде "су ізін" азайтуды пайдалана отырып, қолайлы сапаға дейін тазартылған өнеркәсіптік ағынды суларды қайта пайдалану мүмкіндіктерін есептеу болып табылады.
Айта кетейік, креативті индустрия саласындағы аталған сыйлыққа барлығы 13 санат бөлінді, онда Қазақстанның жаңа бастаған креаторлары мен жұмыстары биылғы жылы лайықты назар аударылмағандардың жетістіктері атап өтілді.