2018 жылы 22 қазанда Павлодар қаласында Елбасы Нұрсултан Әбішұлы Назарбаевтың ағымдағы Жолдауын іске асыру аясында мемлекеттің әлеуметтік-экономикалық мәртебесін және қазақстандықтардың әл-ауқатын қамтамасыз ететін «ғылым-кадрлар-өндіріс» атты үш бағытты тапсырмаға арналған Қазақстан Республикасы Ұлттық инженерлік академиясы (ҚР ҰИА) Төралқасының көшпелі мәжілісі өтті.

Академия президенті, ҚР Парламенті Сенатының депутаты, академик Бақытжан Жұмағұлов өз сөзінде қазіргі әлемде қалыптасқан мемлекет әлеуметтік мемлекет екенін атап өтті. Елдің әлеуметтік аспектілері үнемі өсіп келеді және өсуімен бірге Елбасының қолдауы мен ерекше назарында.

Осы саладағы соңғы жетістіктер Қазақстан Республикасы Президентінің 5 әлеуметтік бастаманы көтермелеуі болып табылады. Олардың ішінде: 7-20-25 бағдарламасы бойынша тұрғын үйді сатып алудың жаңа мүмкіндіктері, төмен ақы төленетін қызметкерлерге салықтық жүктемені төмендету; білім берудің қолжетімділігі мен сапасын арттыру, студенттік тұрғын үйді дамыту; микрокредитті кеңейту; елдi газдандыру. Жолдауда келесі бес жылда ЖІӨ-нің барлық көздерінен білім, ғылым және денсаулық сақтау саласының үлесін 10% -ға ұлғайту жөнінде міндеттер қойылған. Бұл барлық қазақстандықтардың мүдделерін қозғайтын ең іргелі мәселелерді ресурстық қамтамасыз етудің едәуір өсуі. Сонымен бірге елдің стратегиялық дамуының, қоғамның, соның ішінде елдің ғылыми және инжинерлік органдарының дайындығын арттырудың маңызды қадамдарының бірі, біздің уақытымыздың ең өзекті мәселелеріне лайықты жауап беру. Бұл бағытта әлі де өндірістегі ғылыми жетістіктерді меңгерудің тиімді жүйесін құру міндеті Ұлттық инженерлік академия ғалымдарының назарында болып қала бермек, деп атап өтті депутат өз сөзінде.

Мәжіліс жұмысына еліміздің танымал ғалымдары мен жетекші инженерлері: А. Құлыбаев, Т. Досмұхамбетов, Р. Алшанов, Н. Надиров, М. Бітімбаев, А. Даниленко, Б. Телтаев, Г. Медиева және т.б., Павлодар облысының әкімі - Ж. Бақауов, университеттің профессор-оқытушылар құрамы, Павлодар облысының өнеркәсіп кәсіпорындарының басшылары: «Қазақстан Алюминийі» АҚ - Р. Романов, МӨХ зауыты - Д. Мұсаинов, Forwoll Group - Директорлар кеңесінің төрағасы В. Литуев және т.б. қатысты.

Барлық қатысушылар өндіріс өңдеуші өнеркәсіпте инженерлік кадрлардың, зауыттарда заманауи технологиялардың, ғылымның өндіріспен тиімді өзара әрекеттесуінің жетіспеушілігін, отандық тауарлық өнімдердің кеңейтілген сұрыпталымының жоқтығын және тағы басқаларын атап өтті.

Қорытындылай келе, Бақытжан Жұмағұлов Павлодар облысында қайта өңдеу өнеркәсібінің 65,9% құрайтын металлургия өнеркәсібін дамыту үшін арналған мемлекеттік бағдарламалардың барлық жағдайы жасалғанын атап өтті. Біріншіден, өңірде 900-ден астам кәсіпорын шоғырланған, соның ішінде ірі кәсіпорындар: Қазақстан электролиз зауыты, «Қазақстан Алюминийі» АҚ, Қазхром, Павлодар мұнай-химия зауыты, Кастинг, Steel өнеркәсіптері және т.б. Екіншіден, Павлодар еркін экономикалық аймаққа жатады. Бүгінгі күні Павлодар АЭА-да алюминий кластерлік кәсіпорындары жұмыс істеп жатыр. Осы саланың технологияларына ие біздің ғалымдар өз тәжірибелерін тәжірибелі мамандармен бөлісіп, олардың тиімді әріптестері бола отырып, тәжірибелік пайда әкеле алады.

Көшпелі мәжіліс соңында қайта өңдеу өнеркәсібінің әлемдік нарығын талдайтын, ғылым мен техника саласындағы әлемдік жетістіктерін, оларды өндіріске енгізу тәжірибесін зерттейтін Академияның Инженерлік талдау орталығын құру туралы Төралқаның қаулысы қабылданды. ҚР Білім және ғылым министрлігінде металлургия саласына арналған білім гранттар санын арттыру туралы ұсыныс жасалады.

Индустриялық-инновациялық жобаларды жүзеге асыру бойынша Академияның және Павлодар облысы әкімдігінің бірлескен шаралар жоспары бекітілді. Ынтымақтастық туралы меморандумға ҚР Ұлттық инженерлік академиясы мен Павлодар облысының әкімдігі қол қойды.

Мәжіліс облыстың танымал инженерлерін ҚР Ұлттық инженерлік академиясының медальдарымен және грамоталарымен марапаттаумен аяқталды.