Торайғыров университетінде "ToU-дағы тәлімгерлік" жобасы бойынша ашық сабақтар өтті.

Жоба өз жұмысын Торайғыров университетінде жалғастыруда. Естеріңізге сала кетейік, 2023 жылдың тамызынан бастап 2024 жылдың қаңтарына дейін сәулет және құрылыс факультетінде жоба сәтті сыналды, оның нәтижелері жас және жаңадан жұмыс жасап жатқан оқытушыларға оң әсерін көрсетті. Ғылыми кеңес олардың кәсіби қалыптасуына және университетте сапалы кадрлық резервті қалыптастыруға қолдау көрсету мақсатында осы бастаманы жалғастыру туралы шешім қабылдады.

Жаратылыстану ғылымдары факультеті мен инженерия факультетінде жобаның ағымдағы іске асырылуы оның қажеттілігі мен өзектілігін көрсетеді.

Тәлімгерлер химия және химиялық технологиялар кафедрасының профессоры Римма Несмеянова және металлургия кафедрасының профессоры Алексей Богомолов болды. Олар тағылымдамадан өтушілерге (география және туризм кафедрасының оқытушы-ассистенті Әсем Тоқтарбекова, химия және химиялық технологиялар кафедрасының оқытушы-ассистенті Тамерлан Нұрмақанов, механика және мұнай-газ кафед кафедрасының оқытушы-ассистенті Әйгерім Садықова) білім мен тәжірибе алмасуға жағдай жасау үшін белсенді жұмыс істейді.

Айта кету керек, жобаны университеттің HR-қызметі талант-менеджмент орталығымен бірлесіп қолға алды, тәлімгерліктің білім беру процесін жетілдіру үшін стратегиялық маңыздылығын атап өтті. Тұлғалық даму және білім беру кафедрасының докторанты Бақытжан Оспанова жүзеге асыратын әдістемелік сүйемелдеу жобаға қатысушылардың өзара іс-қимылын ұйымдастырудың және тиімділігінің жоғары дәрежесіне кепілдік береді. Жоба жетекшісі - үштұғырлы тіл кафедрасының профессоры, сертификатталған жаттықтырушы Тина Маняпова.