С.Торайғыров атындағы Павлодар мемлекеттік университетінің студенттік өзін-өзі басқаруының белсенділері Қазақстан Халқы Ассамблеясының қалыптасуындағы Нұрсұлтан Назарбаевтың атқарған рөліне арналған «Татулық» атты дөңгелек үстел ұйымдастырды.

Шараны ұйымдастырған С. Торайғыров атындағы ПМУ-дың Жур-202 тобының студенті, Павлодар облысының Қазақстан Халқы Ассамблеясының жастар қанатының төрағасының орынбасары Рамиль Смаиловтың айтуынша, шараның басты мақсаты - Қазақстан Халқы Ассамблеясының бірлік пен татулық идеясын насихаттау, сонымен қатар Ассамблеяның даму кезеңдері мен оның қалыптасуындағы Президент Нұрсұлтан Назарбаевтың рөлін таныту.

Шараның басында С. Торайғыров атындағы ПМУ-дың ҚХА кафедрасының меңгерушісі т.ғ.к., доцент Гульфайрус Жапекова қатысушыларға арнайы сөз сөйледі.

Дөңгелек үстелдің құрметті қонағы, Павлодар облысының Қазақстан Халқы Ассамблеясының қоғамдық жұмыстары бойынша төрағасының орынбасары, «Павлодар облысы бойынша Әзербайжан ұлттық-мәдени орталығы» қоғамдық бірлестігінің төрағасы Джафар Джафарович Махмудов өз сөзінде қазақстандық қоғамның көпұлттылығын ескерген өте маңызды екенін атап өтті. «Қазақстан халқы өзінің көпұлттық татулығымен берік. ХХІ ғасырда Қазақстанның іргетасын қалап әрі қарай дамыту бүгінгі ұрпақ еншісінде».

Студенттер этномәдени бірлестіктер, Достық үйлері, ұлттық қайта құру мектептерінің, Павлодар Ертіс өңіріндегі жастар клубтарының жұмыстары жайлы хабардар болды.

Сонымен қатар шара барысында гуманитарлық-педагогикалық факультетінің студенттері Эсет Хайхороева, Жүнісова Жанна баяндамаларын жасап, ұлтаралық неке жайлы айтып берді.

Руфина Торпищеваның фотосы