Торайғыров университетінде Жоғары білім қызметкерлері күніне арналған мерекелік концерт өтті. Салтанатты шараға университеттің профессор-оқытушылар құрамы, қызметкерлері мен басшылығы қатысты.

Университет ұжымын мерекемен Торайғыров университетінің Басқарма төрағасы – ректор Нұрлан Медетов құттықтады. Ол жоғары білім беру саласы қызметкерлерінің университеттің дамуына, білікті мамандар даярлауға, сондай-ақ білім мен ғылымды дамытуға қосып келе жатқан үлесін атап өтті.

Мерекелік шараның салтанатты бөлімінде жоғары білім беру мен ғылымды дамытуға қосқан үлесі, кәсіби жетістіктері, білім беру, ғылыми және әкімшілік қызметтегі жоғары көрсеткіштері үшін университет қызметкерлеріне марапаттар табысталды. Жалпы, университеттің бірқатар қызметкері марапатқа ие болды. Марапаттар Қазақстан Республикасының Ғылым және жоғары білім министрі, Павлодар облысының әкімі және Торайғыров университетінің ректоры атынан табысталды.

Мерекелік бағдарлама университеттің студенттік шығармашылық ұжымдарының қатысуымен өткен концертпен жалғасты. Музыкалық және вокалдық қойылымдар кәсіби мерекенің көтеріңкі көңіл күйі мен салтанатты атмосферасын айшықтай түсті.

Торайғыров университеті жоғары білім беру саласының барлық қызметкерлерін кәсіби мерекелерімен құттықтайды! Сіздерге зор денсаулық, жаңа жетістіктер, кәсіби дамуға серпін, шығармашылық шабыт және білім беру мен ғылым саласындағы игі бастамаларыңыздың табысты жүзеге асуын тілейміз. Әрбір қызметкердің еңбегі университеттің одан әрі дамуына және жаңа буын білікті мамандарын даярлауға өз үлесін қоса берсін!