Торайғыров университетінде «Қазіргі заманғы зерттеулердегі тұрақты даму» атты халықаралық ғылыми-тәжірибелік конференция өтті. Бұл шара  AP19676924 «Аймақтың өндірістік кешенінің экологиялық брендтеу технологиясын әзірлеу және ілгерілету» мемлекеттік бюджеттік ғылыми-зерттеу жұмысы аясында ұйымдастырылды.

Модераторлар экономика ғылымдарының кандидаты, профессор, экономика кафедрасының меңгерушісі Алексей Титков және экономика ғылымдарының кандидаты, экономика кафедрасының PhD профессоры Людмила Давиденко болды.

Факультет деканы Юрий Колесников тұрақты даму тақырыбының өзектілігін атап өтті және экологиялық әрі экономикалық мәселелерді шешу үшін ғылыми тәсілдерді біріктіру мен пәнаралық ынтымақтастықтың маңыздылығын ерекше атап өтті.

Конференция барысында үш бағыт бойынша секциялық отырыстар өтті: «Қазіргі заманғы ғылыми-тәжірибелік зерттеулердегі тұрақтылық», «Ұлттық экономика салаларын экологиялық брендтеу», «Ресурстар, биоалуантүрлілік және тұрақты пайдалану».

Конференцияға Қазақстанның әртүрлі өңірлерінен ғалымдар қатысты, олардың қатарында Астана, Алматы, Қарағанды, Өскемен және Орал қалалары бар.

Сонымен қатар, конференцияда Ресей ғылым  академиясының Омбы ғылыми орталығының Сібір бөлімшесімен бірлескен зерттеулердің нәтижелері таныстырылды. Ғылыми идеяларымен Новосібір қаласындағы Сібір тұтынушылық кооперациясы университетінің және Ресей Федерациясының үкіметі жанындағы Қаржы университетінің өкілдері (Мәскеу) бөлісті.